ابڙو اڪيڊمي Abro Academy
2020-07-24
داخلا نمبر 665
عنوان پيڻ، سولهه پيڻ
شاخ پکي
پڙهيو ويو 326
داخلا جو حوالو:
پيڻ، سولهه پيڻ
180 سينٽي ميٽر جسامت واري هن وڏي پکيءَ جا نر ماد هڪجهڙا هوندا آهن. پَـر چمڪدار ۽ گلابي اڇا ٿينس ٿا، جنهن ۾ ڪٿي ڪٿي ڪاريون ريکائون آهن، خاص ڪري پرن جي کنڀن جي ٻاهرين ڪناري تي. چهري تي چِٽا، ٽنگون ۽ پير هيڊا گلابي ٿيندا اٿس. سولهه پيڻ جي چهنب ڊگهي ۽ وات سان ھيڊي رنگ جي ٿيلهي هوندي آهي جنهن ۾ شڪار يا غذا جمع ڪرڻ کان پوءِ پاڻي هاري ڇڏيندو آهي ۽ غذا ڳهي ويندو آهي.
ٻچن جو رنگ صاف اڇو هئڻ بدران چِٽدار ناسي يا ميرانجهڙو اڇو هوندو آهي. اڏامڻ مهل تمام ڊگهي ٿيلهي دار چهنب اڳتي نڪتل هوندي اٿس ۽ وڏا پَـر ڦڙڪائيندو سڌي اڏار اڏامندو آهي. ھي ماحول : 7 جو پکي آھي.